مشترواتى من السعوديه

فى احدى رحلاتى لحبيبة قلبي المملكه العربيه السعوديه شريت التالى 

عطر الساحره من نعومى 

كريم فرنال لتبيض الاماكن الحساسه ايهبل بنات 

كريم يوثهير للشعر يرجع الشعر للونه الاسود بدل الشيب 

احلى لوشن بالدنيا زبدة الكاكاو

لون صبغ اظافر عاجبني

ما ادري شفينى هالايام جنى اتنسى عالمكياج ما ادري هوس شراء 

ومن قلب داش خاطري هاللون ولازم اروح اشتريه ( لونه شاى بجليب )

من ماك واسمه

browen bag

صورته كاهي 

وهذا داش خاطري بقوه وجاري البحث عنه

وهذا من شانيل رقمه 505 

 

spa time kuwait سبأ تــــــــــــــــــــــــــايم حبيب قلبي

هالمكان احبه سبا تايم المهلب كل ما حسيت بضغط سيدة ركضه هناك 

استانس واستعيد توازنى جربت وايد اشياء بس الصراحه الخدمه مو واااو 

مثل لما تسافرين برا بس المكان صج يعطيج استرخاء حلو ويونس 

من الاشياء اللى جربتها

طقوس البابايا وهذا احلى شى عندهم 

مساج لومى لومى يعنى ماشى حاله 

مساج بالى حلو هو مساج استرخاء 

طقوس الاعشاب يلوع الجبد ما يسوى سعره + احب فرع المهلب اللى يشتغلون فيه شطار اما بالافينوز

وما يعطون من عمرهم بس يتبوسمون  يعنى لما يوضفون وحده لازم ترضى الزبون وتكون برفشينال 

اليوم طلبت مساج بالى ب 23دك لانه كان ظهري حده يعورنى 

لما دخلت رحبت فينى وكنت حاجزه طبعا وقعده اعلمها شنو ابي 

وسيدة بدلت

وقعدت ساعه بالمساج بعدين رحت غرفه الاسترخاء حطتلى فوطه حاره على رقبتى وتحت ظهري ولحفتنى لوووووول جنى والده 

بعدين دفعت ورحت للبيت

رحلتى لارض المعارض بمشرف قاعه رقم 4 ( معرض رمضان والعيد )

السلام عليكم
اليوم رحت ارض المعارض
وشريت التالى
امبيه بنات ادمنت على معرض مشرف

صبغ اظافر ميتاليك ازرق
مناديل ازاله صبغ الاظافر
شدو
تراجى طبيه

جلابيه مصريه على قوله المصري تلاقه
يعنى بارده خامتها حبيتها من اول نظره
البسها عالفطور

شنط للمكياج

هالساعتين حقه فديته يقولى ماما ابى ساعه سبور

القلم تاتو حواجب بنى يهبل على شكل قلم
كريم اساس ايهبل ايهبل ب 5 دك على وردى ابيه للعيد
ماسك للبشره على برتقال ( برتقال مطحون )

شنط تقليد بس عاجبتنى بربري وكرستان ديور


شريت هالخواتم لوووووووووول ما ادري شفينى فصلت عالخواتم اليوم



الملون ب 5 , التايغر ب نص دينار , البلغاري بدينارين , ماشاء الله خواتم مع تراجى ب 12 دك , خاتم التايغر البيضاوى ب نص دينار

عطر جوسي كوتور حقى وعطر بربري لريلى
كلهم ب 5 دك فقط لا غير
عقود عجبونى وشريتهم حق البيت لزوم الدلع

عطر روعه ونعوم للمتزوجات والبنوتات

السلام عليكم
عندى لكم عطر روعه وناعم جدا وحالم
ويصلح لكم يالبنوتات والمتزوجات بتلقين ابو الشباب بس لازق فيك
العطر
ذوقى
وشريته من دبنهامز
وتفضلوا وادعولى بالحمل القريب

واسمه
IN RED من ماركة ARMAND BASI

اساس للدوام --- تفضلوا

بما ان الدوام للاسف قرب
ونبي اساس سريع وعملي
في استعماله
هههههههه
عن تجربه اشتروه وانتم مغمضين
وفيه حماية من الشمس
ويصلح لجميع البشرات وباتلذات الدهنيه


DOUBLE PERFECTION COMPACT

من شانيل
واسمه
وهي تصلح بالماي وبدون الماي ومو مدهنه حدها كووووووول
جربوها وادعولي
والله ممتازه واحسن ما فيها انها سريعه وتعطي تغطيه كامله مخمليه
سعرها 11 وتطول معك 

تجربتى من لوكستيان ايهبل

السلام عليكم

جربت 3 اشياء وايد اعجبونى 

سيروم للعين 

مزيل لمكياج العيون 

ديدرنت 

تبين لون هالحمرة ومحتاره وين تحصلينه تعالى اعلمك

السلام عليكم
واي لون يشوق يذبح تحسين انك بيبيه لما تحطينه
انا اغير ستايلى بالحجي لما احطة
وريلى يقول بسك دلع لا كفخك باكبر ما عندي
واذا بغيت ازور حمولتى يقولى روحي مسحيه بلا مسخره
ههههههه شالع قلبه
يقول هذا بس حقى
جان اطنقر ليش ؟
قال هذا قلة ادب
الله هذا المطلوب حق الريل
هههههههه ذبحتكم بالقرقة
ميك اب فور ايفر --- رقم 7 --- روعة وردي
Liauid Lip Color

للشعر الجاف (( بجميع الجمعيات حل رخيص جدا ))

السلام عليكم
لتحسين مظهر الشعر الجاف
سوار للكبار او الصغار
جربو استخدام مجموعه لوريال
وايد حلوه

السيروم قبل الاسشوار روعه

كريم مرطب للشعر لما يكون ناشف وجاف حيل ومالك خلق تحطيله حمام زيت


ماسك حده كيوت
وايد عجبني

حمامي حمام الهنا

السلام عليكم
الليلة سوينا المغربي



الوقت نو تايم
بالبداية
جهزت صينيتى

نقعت الليفة المغربية بماء مغلى
ويبت الصابون المغربي خلطت عليه 2 قفشة قهوة مطحونه و عصير ليمونه و ملح
وجهزت السونا وشغلتها


وجهزت خلطتى الخاصة لتبيض بالحمام
العمل

اولا لطخت جسمى بالصابون اللى بالقهوة حيل ما حيل وقعدت بالسونا لمدة 15 دق
ثانيا غسلت جسمى عدل مدل
ونشفته بالفوطة والخطوة هذى مهمة عشان تطلع البلاليط
وهاتى يا فرك مرك
وبعدها غسلت وحطيت صنفرة المشمش وغسلتها
ويبت خلطت التبيض وحطيتها ورجعت لسونا 10 دق
بعدين طلعت وغسلتها واخذت شور خفيف
باي جل شور منعش عندج
بعدين حطيت بيبي واويل على جسمى ولبست روبي ونعيما لى ولكم
وعيدكم مبارك

الحمام الملكى بطريقه عجيبه على اصولها

السلام عليكم
اليوم بعطيكم  طريقه الحمام الملكى بروائح الورد على اصوله
من خبيره بالحمام المغربي والملكى والايرانى
يستخدم الحمام الملكى للعرائس والوالدات بعد الربعين وللمناسبات السعيده فيعطى البشره نعومه ورائحه جذابه وصفاء تام
والحمام الملكى لا يستغنى فيه عن استعمال الصابون المغربى والليفه المغربيه الخشنه
التى تساعد على تنظيف الجسم بالكامل مما علق بها من اوساخ خاصه عندما تتفتح المسام من جراءالجلوسبالبخار و البخار يساعد على تغلغل الكريمات المطريه والمغذيه للبشره ويخلصالبشره من الشوائب العالقه بها كما يساعد على التخلص من الحبوب الصغيره والكبيره بالبشره ومع الاستمرارعليه دوريا يتفتح لون البشره
خطوات التطبيق للحمام الملكى :
- الجلوس فى البخار 30 دقيقه
- ندهن الجسم بالصابون المغربى وتجلس لمده 30 دقيقه ايضا
- نشطف الصابون المغربى من الجسم كله
- نفرك الجسم كله بالليفه المغربيه بعد نقعها بالماءالساخن ويستمر التفريك لمده 45 دقيقه
- نشطف الجسم بالماءمره اخري
- نضع كريم السنفره للجسم وندلكه لمده ربع ساعه
- نضع المبيض على الجسم لمده ربع ساعه او نصف ساعه ثم نغسله بالماء ( عباره عن الليمون مخلوط بخل التفاح وصابون سائل )
- نضع ماسك الطين لمده ربع ساعه ثم نغسله ( الماسك جاهز يباع لدي بودى شوب )
وفي ماركات اخرى ...اختاري اللي يعجبج ..
- الشطف النهائى (لترين ماء دافى مع توله دهن الورد وتوله دهن فواح من اجمل ) نشطف الجسم بها مع تدليك نهائى للجسم وستظل الرائحه متغلغله بالجسم لمده 3 ايام
- شطف سريع جدا بماء بارد لغلق المسام ونعيما على المزاين واتمنى الشرح وافى
ولا تنسون الدعاء لنا بالذريه الصالحه

عطور مميزه عند الرصاصي بس لا تخلصونها

السلام عليكم
مرة من المرات
كنت رايحة للرصاصي 
ولا تي وحدة
المهم
قالت للهندي عطني
مسك ابيض + 2 الخلطة الخاصة + خلطة العود + بثينه
( وطبعا الهندي سطرهم جدامها حطتهم وحاسبت وطلعت )
جان اقوله عطنى مثل ما عطيتها
لووووووووول
ماكو شغل بس تقليد
المهم اشمهم ولا وحدة احلى من الثانيه
وهى عطور شرقيه بخاخه
بس صج مميزه + رخيصة جربوهم
وادعولى

اقلام شدو حلوة ورخيصة واستعمال سريع لا تطوفج

اخذت من المنصور خمطت اقلام بدينار
وجربتهم بالبيت
من ماركة اكسيل
ولا يهبلون
لون واضح ثابت
وسهوله وسرعه في الاستخدام والوان تينن
وادعولى
وفديتكم لا تستخدمونها الا في ما يرضى الله وتذكروا الاخرة والقبر المظلم
ولا تحطونها وتروحون الاسواق ولا يشوفونكم الرياييل
فديتكم يا بنات ديرتى السنعات

قطرة تلمع العين وما تخلى كحلك يسيح للى تحمر عيونهم من المكياج والعدسات ( بالصور )

اليوم رحت الصيدليه
وقلت لها
انا عيوني تحمر لما احط عدسات
قالت سمعى يا خنوسه
هالقطرة
تلمع عينك
وما تخليها تتحسس من المكياج والعدسات
وما تخلى كحلك يسيح
بشرط تحطيها قبل لبس العدسات او قبل المكياج
بربع ساعه اى 15 دق 

قناع تبيض خذته من بكستانيه

هذي خلطه تهبل
لتبيض البشره سويها اذا تفرغتي نصف ساعه وبعدين غسليها وامسحي ويهك
بماء الورد
الخلطه:
ملعقه صغيره كركم
ملعقه صغيره سدر
نصف ملعقه صغيره عصير ليمون
نصف ملعقه زيت لوز
اخلطيهم مع بعض وحطيهم بزجاجه
وضعي من الخلطه علي وجهك كماسك
وشووووووووووووووووفي الحلاوه والبياض

قوولي وداعا للشعر اللى تحت يلد الســـــاقين ( منتج شريته من صيدلية بالسعوديه )

السلام عليكم

منتج حلو يحل لنا الشعر الموجود تحت اليلد ( للساقين )
سعره تقريبا بـ 80 ريال
شريته من السعوديه لانه مو موجود بصيدليات الكويت
ريحته مثل صبغ الاظافر و لونه شفاف وهو سائل
و ينحط مرتين يوميا ل مدة اسبوع قبل لا تسوين شيره لريولج
بعدين قوولي وداعا للشعر اللى تحت اليلد
لانه يقشر الجلد و يطلع الشعر اللي داخل
طبعا خف الشعر اللي تحت الجلد بنسبة 90

تجربتى الرائعه لبعض منتجات .......... soap & glory

شلونكم بنوتات فديتكم والله

انا جربت منتج واحد لووووووووول وشوقنى اجرب المزيد وهذى
تجربتى الشخصيه انقلها لكم حبيتكم تدلعون نفسكم بالمنتجات اللى سميتها ( دلوعتى )
لانه صج ريحتها تينن واحس قمه الانوثه الريحه واوا توجهوا لصيدليه بوتس وجربوا المنتجات
وعطونى رايكم فيها فديتكم

جربت التالى :
1- كريم اليدين ........... ترطيبه روعه وريحته اروع بصراحه
2- رغوة للحمام لوووووووول انا بنات خليها كشور جل تهبل والله ريحتها عذاب وتعطيج رفرش
3- رشاش زيت اللوز ايهبل ايهبل ايهبل .. طلعت بعد الشور ورشيت على جسمى يانى ولدى فديته جان يقول
ماما ريحتج تينن جنه ريحة بيبى لوووووووول حتى ريلى عجبه ( انا طريقتى مخليته بالحمام ) سيده خلصت
شور وانا بالحمام رشرش على جسمى والبس الروب واطلع وشوفى الريحه تينن تلصق فيج لصق
4- صنفره الليمون هذى من اللاين اللى لونه ازرق وريحته على ليمون انا استخدمها الصبح احس تصحصحنى عدل
جربها تينن
5- اخر شى جربته صنفره الويه حق البشره الدهنيه واعجبتنى وايد بس شوى حاره يعنى تحسين بحروره لما تحطينها
على ويهج ولازم طبعا بعدها مرطب واهى سنفره وماسك بنفس الوقت وفيه باليوتيوب طريقتها اذا حابين تطلون تشوفونها


وعليكم بالف عافيه اللى تجرب شى بنات تدعيلى انه الله يمسح على قلبي ويشفى ريلى ويرزقنى توام وانا ومعاهم بصحه وعافيه وياجرنى في مصيبتى ويخلف لى خيرا منها الدعــــــــــــــــــــــــــــاء الدعاء

تجربة عضوة بمنتدى كويتيات .... عجبتني ونقلتها لكم

منقووول من العضوه خنوس بكويتيات 

شلونك يا اروع  خوات
اكتب لكم تجربتى وطبقوها بالحرف وادعولى بالذريه الصالحه
بس اسمحولى الصور اخذتها من موقع مركز البيع  وهى نفس طريقتى بالضبط لانه مالى خلق اعيد الصور واحمل
طبعا البرنامج حده سهل وحلو وبسيط
وانا مستمره عليه من قبل سنة 2006

البرنامج حده سهل وهو يحثك للرجوع للطبيعه وطريقه يداتنا وامهاتنا الاوليات
الحنه + الزيت فقط لا غير
لا تقولين لى صبغ
انا ودعت الصبغ من سنين لانه قطع شعري وخلاه لوعه بس الحمد لله من هديته واستمريت عالحنه والدهن
رجعت عافيه شعري
شنو شروط البرنامج :
الاستمرار الاستمرار مو يوم وبح تتركينه لا كانى طالعينى واقتدى فينى سنين لما وصلت للنتيجه اللى ابيها
ربي لك الحمد
البرنامج يتكون من خطوتين :
1- الحنه وبعدها بيوم الدهن وبعدين تغسلين شعرك
2- في بدايه البرنامج لازم تستمرين على نوع فيتامين للشعر عشان تساعدين شعرك يتعافى ويستفيد من الحنه
يالله نبلش بالطريقه :
الاشياء اللى تحتاجينها عشان تحطين حنتك :

الصوره معبرة ما تحتاج شرح
اشلون تعينين حنتك وشنو الاضافات اللى احطها لها بالصور :


اشلون اتحطين حنتك على شعرك :

اشلون تغسلين حنتك ؟ :

نكمل 

- الحنه مثل الصوره تحطين كل هالمقادير بالطاسه وتحطين عليها 3 قفشات من الحنه القصيميه وتعينينها وتخلينها تخمر ساعتين بعدين تفرقين شعرك 4 اقسام
وتحطين عليه الحنه وتثبتينه بكلبسات بعدين لفى عليه نايلون او لبسي القبعه ساعه بعدين شيليها وخلى الحنه تنشف على راسج ( لمده 5 ساعات )
يعنى بتكون الحنه عليج 6 ساعات
بعدين غسليها بماي بس وحطى حمام زيت راح احط لكم حمام زيت روعه بس تري غالي شويه لكن يستاهل شريته من بوتس
ثانى يوم دهنى شعرك اي دهن عندج بعدين غسليه
الحنه انا احطها مرتين بالاسبوع لمده 6 ساعات بس
فوايدها
تطول الشعر
تكثفه
توقف التساقط
توخر عنج القشره المليغه
وتعالى شوفي احلى شعر بس بالله عليكم تدعولى اللى تلزم بالبرنامج وتشوف النتايج انا صارلى عليها سنين ومستحيل اقطعا لانها عنايه صارت بدمى خلاص
وريحتنى من كل مشاكل الشعر
وانا شفت النتيجه من اول شهرين الحمد لله تحسن واضح بنسبه 60 % من الاستمرار بس في بدايه اول شهرين
وطبعا زدت على برنامجى التالي

نبي دعواتكم الطيبه
هذى تجربتى الشخصيه للافادة ولله على ما اقول شهيد 

وهذا الموقع اللى اشتري منه الحناء القصيميه 

http://omsalem.tumblr.com/