مشترياتى من صيدلية بوتس

سبلاش للجسم + شور جل = ريحتهم تعقد

كحل برجوا الوتر بروف ايهبل وما يسيح كلش

مرطب للشفايف عادى جدا

حاشنى عوار ظهر وهالاشياء ريحتنى وايد

هالكريم عجيب وايد يريح ويخفف الالم من الصيدليه 

الكماده تحطينها بالمايكرويف دقيقتين وتحطينها على ظهرك وايد تريح

محل سمكمك

محل عجيب لطباخ البحري بس لازم حجز , دلونى عليه رفيجاتى بالدوام 

تدقين تحجزين طلبك ويوصلونه لج للبيت يعنى الشغل عالطلب اذا تبينه غدا تدقين من س9 الصبح

محل عجيب فى الرياض غاليري

فى سفرتي للرياض العام مريت على محل فى مجمع الرياض غاليري يبيع ملابس جاهزه 

ابداع والله والاسعار رخيصه خميت منهم كومه ملابس قمة الاناقه والسعر يا بلاش 

صورت اسم المحل عالجيس عشان ما انسى اسم المحل

مركز شفاء الجزيره

كنت رايحه مع اختى اطلع عبايتى من الفرروانيه محل اورجينال 

وهالمحل كلمة روعه شويه عليه عندهم خياط قصته خيال اسمه ساجد

عنوان المحل :
الفروانيه -- مجمع العربيد غاليريا اللي فيه الذهب دشي محل الذهب رومانتك الباب الثاني
بيدخلك على محلات وايد ومشكله على ايدك اليمين فيه محل اعبي اسمه اورجينال 

المهم انا بقولكم عن مركز شفاء الجزيره 

اختى تمدحه وتقول هالمركز عالمى بالهند وفاج فرعين واحد بالكويت واحد بالسعوديه وسمعته ذهب 

لما سالته عنه الا ريلى يمدحه يقول رفيجه تعالج فيه للمعده وهو العلاج بالخارج ما عرفوله ورجع الكويت 

ولا صدفه مرا شاف هالمركز قال خل اجرب حظى وسبحان الله كان شفاءه على ايدهم

الهنود شطار بس ما ادري ليش طايحين من عينا 

رقمهم 24734000

برجر يونيون

كل ما اروح الافنيو لازم امر هالمطعم اكل همبرجر مكسيكانا احبها واااااااااااايد 

اختى تقول ياريت ما دليناج عليه ههههههههه لوعت جبدهم ما يتغدون الا فى هالمطعم عشانى 

ههههه اجباري الغذا بيونون جربوه يستحق التجربه

تمنيت عندى ابنيه اتحلى عليها اللبس

كنت فى نكست وعجبنى هالكوتات تمنيت عندى بنوته البسها وخنقتنى العبره ومشيت 

يارب عطنى ما اتمنى وارزقنى الذريه الصالحه

اروع منتجين للتعطير جربتهم لا يطوفكم

شمعه جليد وبخاخ جليد روعه بنات جربوهم هالمنتجين بالذات ادمنت عليهم قمة قمه قمه 

للبيت والحمام ايهبل

LIZ CLAIBORNE ( محل شنط رووووعه )

شريت شنطه للعيد البنيه اللى عالمدرج الثاني , وبصراحة روعه الجلد والاسعار زينه وايد 

وتوه فاتخ بالافنيو يم مانجو داخل يعنى بهلبلوك دوري راح تشوفينه محل عنون يهبل شغله 

بصراحه كنت اتعناله بالسعوديه لا يطوفكم الماركه ايطاليه

جولتى في مكتبة الافنيو

فى مكتبه بالافنيو فوق يم فانتاسي ورد نسيت اسمها بس احبها لانه فيها اشياء حلوه للكمبيوتر ومنوعه واسعارها زينه بعد

فشريت منها طاولة حق لابتوب , وعجبنى داتا شو عنون ايهبل كبر الريموت كنترول والصوره فيه واضحه وسعره هم حلو

وكاه الصور 

عجبنى وايد بس خفت منه

كنت فى جوله بالفنيو 

وعجبنى هالحذاء الجميل كنت ادور هاللون دواره بس لما لبسته عورنى ظهري وحسيت انى مو عارفه امشى 

فقلت بنفسي ليش يا قمر الفضايح باجر تلبسينه وتتكرفسين جدام خلق الله فدرا للفضايح والخساير رجعته 

وانا خاطري فيه لانى احب هاللون وااااااااااااااااااااااااااااااايد