مشترياتي من الافينيو

 هالشنطه وايد حبيتها من الدوا 

سعرها ب 18دك 

حبيت هاللون لانه ما عنديهالدرجه وحبيت اكثر انه فيها 

خط فسفوري بينك 

وايد راقيه 

والفسفوري مو وايد 

وقصتها عالهبه هالايام

 عشقي شموع باث وركس

بما انه سيل خذيت الكبار ب 3دك 

وقلت بجرب سكراب مالهم للحين ما استخدمته 

خذيتها ب 5دك 

ولوشن استرخاء صغير قلت بجربه 

 من زمان خاطري بالشنطه لكن خواتي يقولون ويع 

لووول مدري ليش ؟

قلت ما ابي اخليها بنفسي شريتها 

ووايد حبيتها تصلح للسفر وعمليه تنغسل بالغساله

سعرها 52

السايت للشنطه

من نيولوك عليهم سيل فخذيتهم

شكرا عالهديه

هديه من وحده عزيزه على وكبيره بالسن 

طبعا الهديه بسيطه جدا بس معانيها بقلبي كبيره 

قلاده مطليه فضه

اسواره لولو 

صبغ تيفاني من لانكوم 

من

البوسنه والهرسك

عجبتني هالشنطه بالافينيو

 وايد شدت انتباهي هالشنطه 

سعرها 35دك 

بمحل بالافينيو 

بس ترددت اخذها اولا لانها وايد ووايد كبيره 

جنها جيس 

السبب الثاني 

لانها ما تصلح مع العبايه لا اللون ولا الحجم 

يمكن لو كانت اصغر خذيتها 

طبعا لجمعت بنات وجذى مو اطلع فيها مكان عام

اهنيه صورت لكم اسم الماركه قلت ادورها عالسايت يمكن 

احصل اشكال ثانيه

غدانا بطعم شكشكا

كل مره امر من هالمطعم ونفسي اكل فيه واجل 

وهذاك اليوم قلت حق اختي نفسي اكل فيه

قالت ولا تخلينها بنفسك تعالي 

طبعا مدري شنو طلبت لوووول قلت كيفج اي شي 

بس ابي البطاط اللى فوقه جبن

 كله اشوف الناس ياكلونه وحسيته لذيذ

طبعا الهمبرجر الله يزيد النعمه لا طعم ولا بهارات 

مجرد لحم سالقينه كلش ما عجبني

بس البطاط لذيذ بدرجه خياليه وايد حبيته

لو عدت لهم الزياره مراح اطلب الا البطاط ابو جبن

لوووول انا جذى سميته 

اختي تقول ما احب الخبيصه

حبيتهم

 حبيت الالوان وطريقه الميك اب

الشوز الشفاف هبه هالايام 

والشنط الشفافه ايضا 

وتراجي فوق الاذن وتحت الاذن 

لووووول 

هبه 

وهالسوار السهم هبه 

مجموعه عنايتي بشرتي جديد

 خلصت مجموعه كريماتي اللى عندى 

فشريت من بوتس مجموعه ثانيه وطبعا غيرت الماركه

وغيرت الكريمات حسب حاجه بشرتي

خذيت كريم للنهار فيه فلير يعنى يملى الخطوط اللى بالويه 

وخذيت كريم حول العين من ان سفن 

وسيروم وايتنج لليل من ان سفن 

ولوشن للشد للجسم وهذي ثاني علبه اجربها 

وخذيت فرشاه للويه + اسفنجه لمسح الماسك 

وشدني زيت اللوز وخاصه سعره رخيص 1.500

فخذيته

 رفيو اقرب لكريم الفلير 

وقريت عنه انه يملى خطوط الضحك ويعطى نضاره 

وجاري الاستخدام

مشترياتي هذا الشهر 6-2012

 هالملابس شريتها للبيت 

برعاية ردتاغ

 عجبتنى من فور ايفر دانتيل 

فكرة البس عليها شي كت تحتها

 اتعب وانا اقول روعه باللبس

من فور ايفر خامته دانتيل ناعم 

واااااو

 كنت ادور الوان صيفيه

عجبني هالفستان من فور ايفر 

مع سليبر

 اول مره اجرب مكياج اش ام 

كل مره امره واصرف نظر احسه للمراهقات لووول

وبعد ما شفت رفيو عنهم بالنت 

جربت هالاشياء 

اللى حبيته 

صبغ الاظافر رووعه واللون واضح ومصقول 

البلاشرات تجنن

الفرشاه لا باس فيها 

الكومبكت باودر تجنن خذيت درجة ديب بيج 

للصيف تجنن

اللى ما حبيته

باليت الشدو 

انا خذيت واحد حقي واحد لاختى 

الالوان مو واضحه كلش للاسف

 اول كت خذيتهم من اش ام للتوبات الشفافه 

طبعا البسهم بالبيت فقط لا غير 

الاساور روعه خذيتهم من رد تاغ 

يلبسون مع بعض مره ستايل 

التراجي من فور ايفر واللى تحت من اش ام 

الصندل من النصر الرياضي ب 3.900

جب سوت من فور ايفر لونه وااااااو 

 شوز رياضي خذيته من النصر الرياضي
ب 6 دك مخصص للمشي
لاني بشد حيلي وبمارس المشي بالبيت 
شريت الدفدى ماله 
وهذا رابط فكرته روعه

الرابط 
مارس المشي بالبيت

منتجات اعجبتني في جولتي الافينويه

 كريم مرطب لليد من باث اند بودى وركس

سبلاش للجسم احبببببه من فكتوريا سيكرت 

اسمه بيور سديكشن 

واعطر فيه داري بعد لووول

صبغ اظافر غليتر ناعم وذرب من اش ام

منتجات اعجبتني هذا الشهر

هالروج من ريميل لونه اتعب وانا اقول روعه

 بار مساج 

منتج من لاش كانه صابونه

بس هو مخصص للجسم تفركينه بايدج ثواني

ويذوب يطلع لج الزيت اللى فيه ورطبي فيه جسمك

وحلو للمتزوجات 

يستخدمونه بمساج لسي السيد لووول

المنتج الاول زيت الخردل البكستاني 

رائع في الترطيب

المنتج الثاني مثل اللوشن لعلاج السلولايت 

من كلارينس

المنتج الثالث شورجسم للجسم من فازلين

بس يبيض مع الاستمرار 

المنتج الرابع فيتامين سي للبشره 

للنضاره من سلكي سي

الوان صيفيه منعشه 2012

هالصيف الموضه

 الالوان الاساسيه والباستيل 

وايد عجبتني وتقريبا اغلب الماركات 

منزله هالالوان هالصيف

هبه السبايكي

هبه السبايكي الكل هاب فيها 

وبذات الحركه باخر صوره 

ترجيه وفيها شي فوق الاذن لوووول

هبات كل يوم شي

FURLA CANDY BAG COLLECTION

وايد عجبتني هالماركه للصيف

سعرها بحدود ال 70دك

البديل عن مرطب يولاي بالتوت البري

هبه صبغ الاظافر Tiffany

مجموعه تدوخ عجيبه من زهور الريف

هالمجموعه اسمها بلانك كارنت 

من زهور الريف

انصحكم 

بالشور جل

كونديشن الشعر

عجيبين وريحتهم فواحه

بس اللوشن ما حبيته 

ما فيه ريحه 

افضل 5 مزيلات عرق طبية جربتها